Energjia potenciale elastike

Energjia potenciale elastike është energjia që zotërojnë trupat e shformuar.Në sajë të forcave elastike që lindin gjatë shformimit trupi synon të kthehet në formën e mëparshme,duke kryer punë  mekanike.Ne mund të përshkruajmë vetë rastin e një suste elastike të zgjatur apo të ngjeshur.Siç ne e dimë varësia e forcë elastike nga shformimi jepet nga grafiku i figurës 3.Sipërfaqja e formuar nga grafiku i forcës dhe boshti i x është i barabartë me punën e forcave elastike.

A = (F_el × x)/2 = (kx × x)/2 =  kx²/2

Kjo është puna që do të kryente forca elastike gjatë çlirimit të sustës deri në gjatësinë fillestare.Pra do të jetë vlera e energjisë potenciale të zotëruar nga susta e shformuar.

 

Në qoftë se një sustë do të zgjatej nga x₁ në x₂ atëherë energjia potenciale e saj do të ndryshonte:

Ky ndryshim është i barabartë me punën e forcave elastike,e kryer nga susta kur çlirohet nga  x₂  

në x₁.

Ligji i ruajtjes dhe shndërrimit të energjisë

Eksperimentet e shumta kanë provuar se çfarëdo ndryshimesh që ndodhin në një sistem të mbyllur(ku mungojnë forcat e fërkimit) energjia e plotë mekanike e sistemit nuk ndryshon.Energjia e plotë mbetet një madhësi konstante edhe pse energjia  potenciale dhe kinetike mund të ndryshojnë vlerat.Shuma e tyre mbet e pandryshuar.